Nasaþefurinn alræmdi

Ég heyrði í dag í síðdegisútvarpinu að talað var um að fá nasaþefinn af einhverju! Ég veit ekki hver uppgötvaði nasaþefinn, trúlega einhver sem skildi ekki hvað nasasjón var. Þetta sannar kannski að menn ættu ekki að nota orðatiltæki sem þeir skilja ekki. Hingað til hefur verið talað um fá nasasjón af einhverju og er sú líking komin úr blindraheimi þar sem þeir sem eru blindir eru taldir vera  lyktnæmari en aðrir og fái þannig eins konar nasasjón af hlutum sem þeir sjá ekki með berum augum.